Presentación do libro: "Cuando Compostela subió el telón", de Alejandra Juno

teatro galego alejandra juno ditea teatro     O próximo xoves día 7 de xullo, Alejandra Juno presentará no Hostal dos Reis Católicos o seu novo libro "Cuando Compostela subió el telón. Crónica sentimental de la década dorada del teatro santiagués: Ditea 1960-1970".

     A través desta peza, a autora recorre 10 anos de teatro compostelá da man do grupo de teatro "Ditea" ademáis de repasar como foi cambiando o país nunha década clave e lembrar a través de moitas e moitas anécdotas a aqueles personaxes que camiñaban polas rúas de Compostela. Este é un libro que gustará, de seguro "a teatreiros, a compostelás e todo o contrario".

     Acompañarán a Alejandra Juno na presentación do libro: Euloxio R. Ruibal, Pepe Domingo Castaño, Xerardo Estévez, Juan Jesús Gestal, José Carro Otero, Henrique Alvarellos e Luis Rodríguez Miguez.



Presentación do libro: "Cuando Compostela subió el telón", de Alejandra Juno
Editorial: Alvarellos Editora
Día: Xoves 7 de Xullo de 2011
Hora: 20:00h
Lugar: Hostal dos Reis Católicos. Santiago de Compostela

Coñecendo á autora: Alejandra Juno 
  • É doutora en Historia pola Universidade de Santiago, licenciada en Ciencias da Información pola Universidade Complutense de Madrid e cun mestrado en Estudos teatrais pola Universidade da Coruña. Actualmente exerce de profesora de lingua castelá na Universidade de Duke.
  • Comezou no teatro á idade de sete anos no Estudo de Artes Escénicas de Ourense, dirixido por Mariluz Villar Otón. Dirixe o grupo de teatro chamado "Juno Teatro", dedicado principalmente á farsa e ó teatro simbólico. Tamén se dedica á escrita dramática, con obras que representa co seu grupo e traballou así mesmo como guionista da TVG, no programa Luar e a serie Terra de Miranda, entre outros.
  • Adícase primordialmente á investigación cunha tese doutoral sobre o grupo de teatro compostelán Ditea, dirixida por Xosé Ramón Barreiro Fernández, e ten escrito unha serie de artigos sobre cine en El Correo Gallego.
  • Colabora asiduamente co grupo de teatro Yeses. En 2010 a Editorial Fundamentos, especializada en teatro, publicou dúas das súas obras: Eurolé e El retablo de las criadillas.


Funboa Escénica estrea "Oiseau rebelle"

teatro funboa escenica oiseau rebelle
     O próximo martes 5 de xullo de 2011 Funboa Escénica estreará "Oiseau Rebelle" (paxaro rebelde) no marco do Festival de Teatro Cómico e Festivo de Cangas.

     Funboa Escénica é unha compañía de recente creación que nace da man de Cristina Balboa e Paulina Funes. Unha compañía que nace coa intención de crear novas ideas, para dar acubillo ao teatro máis contemporáneo e a novas formas de entender o teatro como arte escénica. Ademáis, botan man das novas tecnoloxías e mesmo conseguiron "financiar" o seu proxecto a través da plataforma Verkami, unha forma directa de financiar proxectos con aportación individuais.

     "Oiseau rebelle" (paxaro rebelde) é un espectáculo de teatro-danza, verbal, plástico e sonoro que dialoga sobre o imaxinario amoroso e des-amoroso. Un ritual do corazón como músculo, como metáfora e como alimento.

Que impide ás novas xeracións caer no amor? Para caer temos que ter unha certa seguridade de podernos levantar, ou aínda máis, un ten que poder sentirse a si mesmo e aceptarse tendo a necesidade de ser visto polo outro. Pode que falte isto nas novas xeracións, na nosa: a capacidade de sentirnos a nós mesmos. Mesmo despois de facelo é difícil namorarse ou comezar unha historia "sincera".

teatro funboa escenica oiseau rebelle

"Oiseau rebelle", de Funboa Escénica
Día: Martes 5 de xullo de 2011
Hora: 00:30h
Lugar: Sala Son de Cangas - Festival de Teatro Cómico e Festivo de Cangas



+ info en: http://funboaescenica.blogspot.com

O obradoiro de Teatro Infantil do Milladoiro estrea "Famos@s"

     O obradoiro de teatro infantil do Milladoiro chega ao seu fin. Pero terá un final feliz e moi divertido porque representarán a peza "Famos@s" o sábado 18 de xuño na Casa da Cultura do Milladoiro.
     ¿Qué é a fama? ¿Qué modelos de conduta ditaminan os personaxe coñecidos? ¿Por qué todo o mundo quere ser famoso?
     A resposta a todas estas preguntas daránnola, mañá sábado, as personaxes que interpretarán Adán Fariña, Álex López, Ana Veiga, Antón Rivas, Carolina Buján, Claudia Buján, Gabriel de Souza, Geovana Dayse de Souza, Lucía Castiñeiras, María Pardo, Marta Ruanova, Martín Bussolari, Sarai Penedo e Víctor Ferreiro.
     Nazaret López é a autora da peza. Ademáis, comparte a dirección escénica do espectáculo co actor Manel Pardo. Nazaret López é ademáis de escritora e directora teatral, xornalista. Traballou na TVG e nestes intres pon toda a súa ilusión e esforzo na radio do Concello de Ames. Dende aquí un bico moi especial a Nazaret por esa voz tan fermosa e por aquela entrevista sobre sempre lembrarei.



"Famos@s", de Nazaret López
Dirección: Nazaret López e Manel Pardo

DÍA: 18 de Xuño do 2011
HORA: 20:00 h.
LUGAR: Casa da Cultura do Milladoiro



"A ópera dos tres reás", a nova producción do Centro Dramático Galego

teatro tosar a opera dos tres reas centro dramatico galego

     "A ópera dos tres reás", de Bertolt Brecht e Kurt Weill (música) é a nova producción do Centro Dramático Galego que se estreará no Auditorio de Galicia en Santiago de Compostela o día 23 de xuño de 2011 e que permanecerá en cartel ata o día 26 dese mesmo mes.

Busca no Blog

Cargando...
Deseño do blog por Roi Méndez. Con la tecnología de Blogger.